Sekretari Gjeneral i NATO-s, Anders Fog Rasmussen ka thënë se, forcat e KFOR-it janë të gatshëm për të garantuar siguri në Kosovë. Ai ka thënë se, marrëveshja e arritur në Bruksel me Serbinë duhet të zbatohet sepse jep shpresë për një të ardhme më të mirë.
Gjatë konferencës për media në Komandën e KFOR-it në Prishtinë me kryeministrin Hashim Thaçi, Rasmussen ka thënë se KFOR-i do të ndihmojë në sigurimin e zbatimit të marrëveshjes Kosovë-Serbi.
Rasmussen ka deklaruar se, KFOR-i do të jetë i gatshëm të ndërhyjë në çfarëdo situate që tenton të rrezikojë progresin e arritur në Kosovë.
Ndërsa kryeministri Hashim Thaçi ka thënë se Serbia duhet të vazhdojë të implementoj marrëveshjen, sikurse Kosova që është e përkushtuar në këtë drejtim.