Instituti Demokratik i Kosovës (KDI) mbajti konferencë për media ku u prezantuan vlerësimet lidhur me Reformën Zgjedhore, pas projektligjit të propozuar nga Komisioni Ad-Hoc. Ismet Kryeziu, drejtues i këtij instituti, tha se ky ligj kërcënon integritetin zgjedhor, duke shtuar se në këtë drejtim nevojitet analizë e thellë.
”Ky ligj përmban disa elemente që seriozisht kërcënon integritetin zgjedhor dhe janë alarm jo vetëm për shoqërinë civile por edhe për akterët e përfshirë në këtë proces. U bëjmë thirrje institucioneve, liderëve të partive politike të mos procedojnë në këtë format pa iu nënshtruar një analize apo debati të thellë”, tha ai.
Kryeziu tha se kjo nuk është reformë por regres zgjedhor dhe nuk është standard i vlerave të cilat duhet t’i kenë partitë politike në Kosovë . Ai tha se Komisioni për Reformë zgjedhorë këtë ligj ia ka përshtatur njerëzve të fuqishëm politikë.
Eugen Cakolli, po ashtu nga KDI, tha se projektligji i ri për zgjedhjet del përtej rekomandimeve të BE-së, me ndryshimin e rritjes së votës preferenciale nga 5 kandidatë sa ka qenë deri më tani në 10 sa ka qenë deri në vitin 2007. Ai tha se ky ndryshim nuk kontribuon aspak në rritjen e garës.
“Me projektligjin e ri propozohet që qytetarët të kenë mundësi të votojnë deri në 10 kandidatë brenda listave të subjekteve politike. Ky ndryshim nuk kontribuon aspak në rritjen e garës ndërmjet kandidateve të te njëjtit subjekt politik por përmban tensione te votuesit”m tha Cakolli.
KDI konsideron se ky ndryshim i votës do të ndikojë në dyfishim të kohës dhe mundësi të manipulimit. Çështje tjetër problematike u përmend edhe çështja e pavarësisë së KQZ-së Ai tha se problem do të jetë edhe pavarësia e KQZ-së, ku ka përmendur shkarkimin e ish-kryesues Valdete Daka.