-1.1 C
Prizren
E martë, 18 Shkurt, 2025

Rexhaj: Muja dhe Kryeziu duhet të ndëshkohen me 3 nëntor

lubizhdKandidati i VV-së për kryetar të Prizrenit Arbër Rexhaj, është  takuar me banorët e fshatit Lubizhdë të Hasit. Ai në këtë fshat është shoqëruar nga deputeti  Rexhep Selimi dhe kandidatët për Asamblenë Komunale të Prizrenit.

Kandidati Rexhaj tha se vetëm me Lëvizjen Vetëvendosje! është i mundshëm ndryshimi i kërkuar. “Keqqeverisja e deritanishme e ka sjellë komunën tonë në gjendje shumë të rëndë. Ramadan Muja dhe Eqrem Kryeziu si përgjegjësit kryesor për katandisjen tonë në këtë gjendje duhen të ndëshkohen nga elektorati i gjerë. Prandaj, sot ne kërkojmë nga ju që vota juaj të jetë edhe ndëshkim, edhe votë për alternativë, pra të jetë votë për Lëvizjen Vetëvendosje!” tha Rexhaj.

Ndërkaq, Rexhep Selimi tha se  ‘gjithandej nëpër Kosovë po vërehet atmosfera e ndryshimit politik’. “Kjo gjendje e padrejtë nuk është ajo për të cilën të gjithë ne kemi luftuar dhe sakrifikuar. Sot nga Kuvendi i Kosovës e tëra që mund të sjell janë vetëm lajmet e këqija. Prandaj, sot ndodhemi para jush që të kërkojmë detyra në mënyrë që vullneti juaj të jetë obligim për ne, kurse alternativa jonë të jetë shpresë për të gjithë”, tha Selimi./PrizrenPress.com/

Më Shumë

Zhduket një grua në Suharekë

Një grua raportohet të jetë zhdukur në Suharekë. Rastin në polici e ka lajmëruar nëna e saj, teksa ka shtuar se ende nuk dihet...

Kuvendi i Dragashit me shumicë votash miraton vendimet në seancën e parë të vitit 2025

Kuvendi i Komunës së Dragashit ka mbajtur seancën e parë për vitin 2025, me ç’rast anëtarët me shumicë votash kanë miratuar të gjitha pikat...

Lajmet e Fundit