Kandidati i Lëvizjes Vetëvendosje! për kryetar të Prizrenit,Arbër Rexhaj, ka vizituar Shoqatën e Pensionistëve dhe Invalidëve të Punës .Rexhaj premtoi se nëse Vetëvendosje! vjen në pushtet, do të angazhohet seriozisht për realizimin e kërkesave të tyre.
“Kjo kategori e ndjeshme shoqërore përherë është neglizhuar nga pushtetet e kaluara.Pensionistët dhe invalidët e punës duhet ta kenë përkujdesjen publike dhe institucionale dhe Lëvizja Vetëvendosje ! do të vazhdoj të angazhohet seriozisht për këtë gjë”, tha Rexhaj.
Kryetari i Shoqatës së Penisonistëve, Musa Jorganxhiu, falenderoi aktivistët e VV-së, për vizitë dhe i njoftoi për aktivitetet e shoqatës së tyre si dhe për gjendjen e vështirë të pensionistëve në rajonin e Prizrenit. Ai gjithashtu theksoi se pret mbështetje për implementimin e ligjit që rregullon çështjen e pensionistëve. Ai u shpreh i pakënaqur për mungesën e mbështetjes nga institucionet lokale dhe qendrore. /PrizrenPress.com/