Deputeti i Lëvizjes Vetëvendosje, Arbër Rexhaj, ka kritikuar ashpër udhëheqjen aktuale të Komunës së Prizrenit, që udhëhiqet nga PDK-ja, duke e cilësuar si të dështuar dhe të zhytur në korrupsion.
Kliko videon: https://www.facebook.com/watch/?v=1746425489334258
Ai njëkohësisht ka paralajmëruar ardhjen në pushtet të Vetëvendosjes në këtë komunë në zgjedhjet e ardhshme lokale.
Në një reagim të publikuar në rrjete sociale, Rexhaj shkruan se pushteti lokal në Prizren është i përçarë dhe i orientuar larg interesave të qytetarëve.
“Rrihen mes vete, sigurisht jo për ide e programe për zhvillim të Prizrenit. Korrupsion fund e krye në çdo cep institucional në Prizren”.
Rexhaj kritikoi edhe kërkesat për një mandat të ri qeverisës nga ana e qeverisjes aktuale komunale, duke i quajtur të pamerituara.
“Pastaj kërkon edhe +4 vite qeverisje në Prizren. Jo zotëri, ndryshimi i përnjëmend po vjen”.
Deputeti i VV-së e përmbylli reagimin me një mesazh të qartë politik:
“Shko në qoshe, sepse tash VETËVENDOSJE, po vjen!”.
Marketing
