Një pjesë e shoqërisë civile është duke shqyrtuar mundësinë e bashkimit në një forcë të re politike, të ngjashme me Frymën e Re, para se vendi të shkojë në zgjedhje parlamentare. Fryma e Re ishte themeluar nga dy përfaqësues të shoqërisë civile, Shpend Ahmeti, tani nënkryetar i Vetëvendosjes dhe Ilir Deda, drejtor i Institutit KIPRED.Mirëpo pasi rifunksionalizmi i kësaj partie është i pamundur, për shkak të shkrirjes së saj në Lëvizjen Vetëvendosje, përfaqësues të shoqërisë civile janë duke e shqyrtuar mundësinë e krijimit të një partie bashkë me një pjesë të anëtarësisë së partisë së shuar.
Kastriot Bujupi, një ndër iniciuesit e themelimit të një partie të tillë politike, ka konfirmuar për ‘Tribunën’ se janë duke punuar me disa persona të cilët kanë qenë pjesë e Frymës së Re që të themelojnë një parti të ngjashme me atë që ka dështuar në zgjedhjet e fundit. Ideja, sipas tij, ka qenë rifunkisionalizimi i partisë Fryma e Re, mirëpo pasi legjitimitetin për rikthimin e kësaj partie e ka vetëm Shpend Ahmeti si themelues i saj, ata tani janë duke punuar në themelimin e një partie të ngjashme.