E pabesueshmja kthehet në realitet, dueti i pamundur që merr jetë falë një pune të mrekullueshme post-produksioni. Më 13 Maj Michael Jackson do të jetë sërish mes nesh falë Xscape, albumi i parë që prej ndarjes nga jeta të mbretit të pop-it në vitin 2009.
Studioja e Epic Record, me këtë rast ka bërë të mundur dhe realizimin e një bashkëpunimi që mban firmën e Justin Timberlake.
Kënga mban titullin “Love Never Felt So Good” dhe aktualisht është publikuar version i saj audio. Ajo është e shkruar nga Jackson dhe Paul Anka në vitin 1983.
Ky do të jetë singëlli i parë i shkëputur nga albumi Xscape. Në këtë album përfshihen 8 këngë, të regjistruara nga vetë mbreti i pop-it gjatë viteve 1983-1999. Këngë të padëgjuara më parë, të risjella dhe përpunuara nga producentë si Timbaland, Rodney Jerkins, Stargate, Jermone “Jroc”, Harmon e McClain, për një album që mesiguri do të pushtojë majën e Billboard-eve.