11.6 C
Prizren
E premte, 19 Shtator, 2025

Rikthehet normaliteti mes Kosovës dhe Maqedonisë

Kufiri ne maqedoniNë mesnatë u hoqën barrierat tregtare dhe të lëvizjes së lirë midis Kosovës dhe Maqedonisë.

Qeveria e Shkupit dhe Prishtinës kanë miratuar vendimet për heqjen e këtyre barrierave dhe embargove, që për një javë pamundësuan eksport – importet e mallrave midis dy vendeve dhe lëvizjen e lirë të qytetarëve.

Ministri i Ekonomisë i Maqedonisë, Valon Saraçini në mesnatë vizitoi pikat kufitare Bllacë dhe Jazhincë, për t`u vërtetuar drejtpërdrejt lidhur me normalizimin e situatës dhe lëvizjen e lirë për mallrat dhe qytetarët midis dyja vendeve.

Gjithashtu në pikat kufitare të Kosovës me Maqedoninë ishte edhe ministrja e Tregtisë dhe Industrisë, Mimoza Kusari – Lila.

“Nga mesnata sonte, shfuqizohet vendimi për importin e mallrave nga Maqedonia si dhe hiqet taksa për individë dhe mjete transporti nga ana e Maqedonisë”, thuhet në komunikatën e lëshuar nga Ministria e Tregtisë dhe Industrisë të Kosovës.

Qeveria e Maqedonisë ka ndërmarrë të gjitha masat që deri në hyrjen në fuqi të këtij vendimi të largojë pengesat pas vendkalimit kufitar me Kosovën, sidomos bllokadën e vendosur nga transportuesit maqedonas MAKAMTRANS. Zëdhënësi i Qeverisë së Maqedonisë, Muhamet Hoxha deklaroi për INA se nga mesnata do të normalizohet shkëmbimi tregtar dhe lëvizja e lirë duke nisur nga pika zero.

“Kjo u arrit falë angazhimit tonë maksimal për të rikthyer situatën në normalitet. Masat e vendosura nga Qeveria e Maqedonisë për ndalesën për importet ishte për të gjitha shtetet dhe nuk kishte të bëjë me Kosovën, por kjo më pas reprodukoi me krizën e shkaktuar, e cila më në fund u finalizua me një zgjidhje të pranueshme dhe përkushtim nga të dyja palët”, theksoi për agjencinë e lajmeve INA zëdhënësi Hoxha.

Më Shumë

Suhareka pret edicionin e 24-të të manifestimit tradicional “Festari”

Komuna e Suharekës do të jetë nikoqire e edicionit të 24-të të manifestimit tradicional “Festari”, që këtë vit do të zhvillohet nga 15 deri...

Emigrimi po zbraz klasat: 66 nxënës largohen nga Prizreni

Sipas statistikave zyrtare të Ministrisë së Arsimit për vitin shkollor 2024/25, 66 nxënës nga Prizreni janë shpërngulur bashkë me familjet e tyre jashtë vendit. Kjo...

Lajmet e Fundit