Calvin Harris është ndarë nga Rita Ora, pasi këngëtarja kishte shkuar në Los Angeles pa i treguar dhe ishte fshehur në një dhomë hoteli që ai të mos e merrte vesh që ndodhej në atë qytet.
DJ 30-vjeçar është hidhëruar me krijuesen e hitit “I Will Never Let You Down”, sepse nuk mund të kuptonte që të dy ndodheshin në të njëjtin qytet dhe kishin shkuar ndaras, ndërsa 23-vjeçarja ishte përpjekur që t’ia mbante këtë të fshehtë.
Calvin e kishte kuptuar nga një shofer se Rita ndodhej në Los Angeles.
“Gjithçka mori fund kur shoferi i kishte thënë Calvinit se e kishte dërguar Ritën në një hotel dy ditë më parë”, ka thënë një burim për The Sun.
Është thënë se Harris e kishte publikuar lajmin e ndarjes në Twtter madje para se t’ia kumtonte këtë këngëtares me origjinë shqiptare.
“Rita është turpëruar kur e ka parë postimin në Twitter për ndarjen e tyre”, ka thënë një burim.