Këngëtarja me famë botërore, Rita Ora, ka pozuar për revistën prestigjioze “Shape”.
Ajo ka shkëlqyer në fotografitë e realizuara për numrin e muajit maj të kësaj reviste.
Në intervistën për “Shape”, Rita ka treguar për jetesën e saj, ushqimin dhe ushtrimet.
“Kam qenë gjithmonë vajza që hante kurdo që mundej. Por këtë herë është dashur të ndryshoja. Nisa të mendoja se po më mungon dukja e mirë. Vitin e shkuar, kam qenë në të vërtetë e rregullt në ushqim të duhur dhe shkoja në ushtrime”, ka shpjeguar ajo.
Ajo ka treguar gjashtë rregullat që kanë ndihmuar të ketë linjat që ka tani.
– Gjeni ritmin e ushtrimeve – Ushtroj zakonisht për një apo dy orë, por nuk mundohem të teproj.
– Gjeni motiv për ushtrime – Nganjëherë më duhet të motivoj veten dhe vetëm shikoj fotografitë e grave si Jennifer Lopez e Kate Beckinsale.
– Duhet të jesh e fortë, jo e dobët – Nuk isha shumë e lumtur me trupin tim më përpara. E dija se më duhej më shumë fuqi dhe nisa të punoja për të mos mbetur e dobët. Mos u bëni e obsesionuar që të jeni e dobët.
– Hani ushqimin e duhur për trupin tuaj.
– Nganjëherë, kënaqeni veten me “thyerjen e rregullave të ushqimit”.
– Mos u frikësoni të ndërmerrni veprime të rrezikshme.