Juventus po përgatitet të kthehet në Gjykatën e Apelit të FIGC (Federata Italiane e Futbollit) për gjykimin mbi çështjen e fitimeve kapitale.
Por problemet e klubit të Juventus-it kanë të bëjnë edhe me të ashtuquajturën “manovër pagash”, me të cilën lidhet çështja e “kartonit të Ronaldo-s” , një nga çështjet më të diskutuara ndër ato të hapura nga prokurorët torinezë.
Në dosjet e hetimit gjenden detajet e “shkrimit plotësues” që kompania i kishte propozuar CR7 për të shtyrë tarifat e tij, të pa firmosur asnjëherë nga lojtari.
Në fund, mbi 19 milionë euro nuk i janë paguar asnjëherë lojtarit dhe tani Ronaldo është gati t’i kërkojë. Për ato para, ai do të ishte i gatshëm të merrte masa ligjore kundër Juventus-it, raportojnë mediat italiane.