Rreth orës 04:25 të mëngjesit, Policia e Prizrenit ka pranuar një informatë e cila bënte me dije se në ambientet e restorantit “Paradiso” në rrugën “Kukësi” ka ndodhur një rrahje, në të cilën është dëgjuar edhe një krismë nga arma e zjarrit.
Përmes një komunikate PK-ja ka bërë të ditur se pas shpërndarjes se informatës nga qendra operative kanë reaguar njësitet patrulluese që kanë qenë duke patrulluar më afër lokacionit dhe shpejtë i kanë ndaluar të dyshuarit. Njëri nga të dyshuarit është ndaluar përderisa po largohej me një automjet xhip dhe gjatë kontrollit është zbuluar një pistoletë M-70 Zastava me 5 fishekë të kalibrit 7.65mm.
Policia ka thënë se me këtë rast është sekuestruar edhe një veturë e llojit Audi. Ndërkaq krimteknikët kanë sekuestruar një gëzhojë të fishekut në ambientet e restorantit.
Në komunikatë thuhet se nuk janë intervistuar të dyshuarit ngase kanë qenë nën ndikim të alkoolit. Në konsultim me prokurorin e shtetit poseduesi i armës ndalet nën masën e arrestit policor./prizrenpress.com/
