Osman Gorancin, Gazmend Beqajn dhe Musa Bushranin i ka bashkuar aforizmi. Të tre këta prizrenas do t’i thonë aforizma te tyre.
Musa Bushrani, njëri nga pjesëmarrësit e kësaj ngjarje kulturore, tha për PrizrenPress se përmes aforizmave do të satirizojnë me gjendjen aktuale të Prizrenit dhe të mbarë vendit në përgjithësi.
Kjo mbrëmje nga pjesëmarrësit është emërtuar” 1 përkujtimor për 8 vjetor”, ku do të apostrofohen mes tjerash edhe veset e këqija, nepotizmi, mitmarrja, keqpërdorimi i vendit zyrtar etj.
Sipas organizatorëve, në këtë performancë të tyre, do të thuhen edhe disa nga aforizmat më të mira të krijuesit prizrenas, Faik Beqajt, i cili i pari shkroi libra aforistikë, ku ka satirizuar me gjendjen e atëhershme politike, sociale, ekonomike dhe kulturore të Prizrenit. Kjo mbrëmje kulturore organizohet në bashkëpunim me SHKA “Agimi” në Prizren me fillim në orën 20:00./PrizrenPress.com/