Kryetari i Komunës së Prizrenit, Shaqir Totaj ka dal në vendin e ngjarjes, pas rëshqitjes së dheut mes dy tunelëve në rrugën Prizren- Reçan.
Totaj njofton se për shkaqe sigurie rruga është përkohësisht e mbyllur. “Ruga për shkaqe sigurie është përkohësisht e mbyllur. Ofrova ndihmën e Komunës së Prizrenit po që se kontraktorët e Ministrisë nuk mund të arrijnë me kohë të reagojnë dhe paraqitet nevoja për reagim të shpejtë”, shkruan Totaj në llogarinë e tij në “Facebook”.
Shkrimi i tij i plotë:
Pas rëshqitjes se dheut mes dy tunelëve në rrugën Prizren – Reçan, isha në vend të ngjarjes.
Nga personat kompetent për ngjarje të tilla, policia dhe ministria, kompetencë e të cilës është përkujdesja për rrugët regjionale, u informova se për fat të mirë nuk kishte të lënduar nga ky aksident.
Rruga për shkaqe sigurie është përkohësisht e mbyllur. Ofrova ndihmën e Komunës së Prizrenit po që se kontraktorët e Ministrisë nuk mund të arrijnë me kohë të reagojnë dhe paraqitet nevoja për reagim të shpejtë.