The Rolling Stones nuk kanë publikuar album tash e dhjetë vjet, por duket se “A Bigger Bang” i vitit 2005 mund të mos jetë i fundit i tyre.
Kitaristi Keith Richards ka bërë të ditur lajmin gjatë një interviste në iHeartRadio, të mërkurën, në New York.
Ai ka pohuar se Rolling Stones së fundi janë takuar në Londër dhe kanë rënë dakord për një album të ri.
“Albumi i ri duket afër. Isha në Londër javën e kaluar dhe dostat u bëmë bashkë. Kemi plane definitive për të incizuar”, ka thënë ai.
Richards nuk dhënë më shumë detaje dhe nuk ka treguar se kur mund të ndodhë incizimi i albumit të ri, por ka sqaruar se bendi nuk do të mund t’i hyjë punës në studio deri pas përfundimit të turneut në Amerikën e Jugut, i planifikuar për fillimin e vitit 2016.
“Nuk e dimë kur do të bëhet. Thjesht, kemi biseduar dhe jemi pajtuar për ta bërë”.
https://youtu.be/OF3blQEeapQ