Observatori sirian për të Drejtat e Njeriut tha sot se avionët rusë kanë vazhduar sulmet e tyre ajrore në provincën rebele siriane të Idlibit, pas një qetësie që zgjati 22 ditë.
“Rusia mbështet presidentin sirian Bashar al-Assad, ushtria e të cilit kreu sulme ajrore dhe artilerke gjatë kësaj periudhe”, raporton Reuters, transmeton zeri.info.
Presidenti i Shteteve të Bashkuara Donald Trump e ka paralajmëruar më parë Assadin për të mos sulmuar provincën e Idlibit, ndërsa Rusinë dhe Iranin i ka paralajmëruar se pjesëmarrja e tyre në këtë “tragjedi potenciale njerëzore” do të ishte “gabim i rëndë humanitar”.
Ministri i Jashtëm iranian Mohammad Javad Zarif tha dje se ekstremistët duhet të “zhduken” nga Idlibi, ndërsa Ministri i Jashtëm rus Sergei Lavrov tha se qeveria siriane i ka të gjitha të drejtat për “të pastruar” terrenin prej ekstremistëve në atë krahinë në veri të Sirisë./Zeri