Drejtori i Bibliotekës Kombëtare Universitare të Kosovës, Sali Bashota, ka dhënë dorëheqje nga ky post. Vendimin Bashota ia ka bërë të ditur Ministrit të Arsimit Ramë Buja për të përfillur vendimin e rektorit të Universitetit të Prishtinës, lidhur me përcaktimin e marrëdhënies së rregullt të punës.”Dorëheqjen time e ndiej, në radhë të parë, si një festë shpirtërore dhe intelektuale për punën time dhjetëvjeçare në drejtimin e këtij Tempulli të Dijes”, citon kultplus letrën e dorëheqjes së Bashotës drejtuar ministrit të Arsimit, Shkencës e Teknologjisë Ramë Buja.
Bashota do të vazhdojë të punojë vetëm si profesor i rregullt në Fakultetin e Filologjisë, në Universitetin e Prishtinës.