Futbollisti i Lille, Renato Sanchez, është lojtari i pëlqyer nga drejtuesit e klubit të Milan-it.
Sipas asaj që raportojnë mediat italiane, Sanchez shihet si zëvendësues ideal i mesfushorit, Franck Kessie, i cili me shumë mundësi nuk do të jetë pjesë e kuqezinjve në sezonin e ardhshëm.
Edhe portugezi me shumë mundësi pritet të largohet nga kampionët e Francës, Lille dhe gjasat janë që ai t’i bashkohet ish-shokut të tij të ekipit Mike Maignan, i cili bëri një lëvizje nga Lille te Milan-i, në verën e kaluar.
Marrëdhëniet mes dy klubeve janë shumë të mira dhe kjo është një arsye që favorizon kalimin e lojtarit luzitan, që gjithashtu ndiqet edhe nga Juventusi e Roma.
24 vjeçari konsiderohej si një nga talentet më premtues të futbollit, i cili shpërtheu në Kampionatin Evropian të vitit 2016, me kombëtaren e tij, Portugalinë.
Menjëherë pasi përfundoi Evropiani, Bayern Munich e transferoi atë për shifrën e 35 milionë eurove nga skuadra e Benfica-s.
Por, në Gjermani forma e portugezit pësoi një rënie, të cilët më pas e huazuan te klubi i Swansea, ku qëndroi për një sezon, e më pas e shitën përfundimisht te francezët e Lille, për shumën e 20 milionë eurove.
Kujtojmë që ai shënoi golin e vetëm në ndeshjen që Portugalia e humbi mbrëmjen e kaluar nga Serbia.
Derisa, ky ishte goli i tretë i tij për kombëtaren e Portugalisë, në 33 paraqitje në të gjitha garat.
/Albanianpost.com