Shumë aktore të Hollywood-it duken më mirë në të dyzetat e tyre sesa kur ishin më të reja. Cili është sekreti i bukurisë së yjeve si: Jennifer Aniston, Salma Hayek dhe Jennifer Lopez? Ato të gjitha thonë se respektojnë rregullat e të ushqyerit të shëndetshëm, kujdesen për makijazhin që i bën ato të duken të shëndetshme dhe rinore.
Aktoret konsumojnë vetëm ushqim të shëndetshëm dhe jo atë të përpunuar industrialisht. Sekretin e ushqimit të shëndetshëm e ka zbuluar aktorja Jennifer Aniston. “Është e nevojshme për të ngrënë më shumë fruta, perime dhe proteina me më pak yndyrë, përdorni më pak ushqime të skuqura dhe pini shumë ujë”, zbuloi aktorja, duke shtuar se ilaçi i saj natyral për lëkurë dhe flokë të bukur është qumështi i bletës.
Mendimi se flokët duhet të shkurtohen me kalimin e moshës nuk është i saktë. Floktari i aktores Jennifer Lopez, Oribe, thotë se ajo më herët kishte flokë të shkurtra. “Me kalimin e viteve, është e rëndësishme për të mbajtur butësinë dhe gjatësinë e flokëve”, tha Oribe.
Sa herë që Salma Hayek duhet të shfaqet në qilimin e kuq, ajo disa ditë përpara e pastron organizmin duke konsumuar vetëm lëngje të freskëta dhe duke marrë vetëm 1.200 kalori në ditë. Ajo e adhuron përzierjen që përmban dy karota, një mollë, një panxhar dhe një të katërtën e limonit. Kjo pije zvogëlon fryrjen dhe i jep lëkurës një shkëlqim të bukur.