17.8 C
Prizren
E premte, 30 Shtator, 2022

Sekuestrohen mjetet e rënda të kompanisë që degradonte lumin Drin në Prizren

Me datë 26 gusht 2022 policia në Prizren ka marrë informacion se një kompani është duke degraduar ambientin, konkretisht duke nxjerrë rërë në bregun e lumit Drini, në fshatin Romaj të Prizrenit.

Policia ka njoftuar se kanë dalë në vendin e ngjarjes ku kanë hasë në një kamion dhe një mjet të rëndë ngarkues.

“Janë informuar inspektorët kompetentë, të cilët e kanë konstatuar gjendjen aktuale dhe të gjithë dokumentacionin ia kanë dorëzuar policisë për veprim të mëtejmë. Policia pasi që ka kontaktuar me prokurorin kujdestar ka marrë urdhër që mjetet e rënda të cilat janë përdorur për degradim, të sekuestrohen”, thuhet në njoftimin e Policisë.

I dyshuar për këtë rast është pronari i kompanisë, ndaj të cilit është filluar procedurë penale për veprën penale “Ndotja, degradim apo shkatërrimi i mjedisit”.

Policia ka sqaruar se për shkaqe teknike, mjetet e rënda janë ruajtur nga policia deri me datë 29.08.2022 kur edhe janë sekuestruar.

Më Shumë

Lajmet e Fundit