24.8 C
Prizren
E enjte, 18 Gusht, 2022

Sekuestrohet arma në një aheng familjar

Armet ne dasemRreth orës 21:30 min, policia e Prizrenit ka reaguar pasi ka dëgjuar të shtëna nga arma në rrugën “Raguza”. Në këtë rrugë, ishte organizuar një aheng familjar dhe dikush ende i panjohur kishte shkrehur disa fishekë nga arma me gaz e llojit “Ekol” në karikatorin e të cilës ndodheshin 17 fishekë. Arma është gjetur e braktisur në kopshtin e shtëpisë. Policia ka pyetur pronarin e shtëpisë lidhur me rastin dhe ai i ka thënë policisë se ka pas krisma në aheng por nuk e din se kush e ka poseduar armën. Policia pasi është konsultuar me prokurorin ka vendosur që provat materiale dhe shkresat e lëndës t’i kalojnë prokurorisë sipas procedurës së rregullt ndërsa kallëzim penal do të ngritët ndaj organizatorit të ahengut, njofton Policia në Prizren.

Ndërkaq janë iniciuar dy raste për dëmtime të pronës nga armët e zjarrit.

Rasti i parë ka ndodhur rreth orës 21:15 në fshatin Lubizhdë e Prizrenit e që sipas raporteve hetimore thuhet se një qytetar ka denoncuar në polici dëmin e shkaktuar në automjetin e tij nga një plumb i armës së zjarrit që hëpërhë nuk dihet se prej nga ka ardhur.

Ndërsa rasti i dytë i ka ndodhur një kurbetçiu nga fshati Joviq i Malishevës i cili kishte arritur vonë nga rruga dhe kishte vendosur që gjësendet nga vetura t’i nxjerrë në mëngjes. Të nesërmen, kur kurbetçiu kishte shkuar tek vetura kishte vërejtur se i është dëmtuar parafangoja e veturës, ndërsa policia ka sekuestruar një predhë të fishekut e cila do të dërgohet për ekzaminim.

Hetuesit policorë thonë se të dy veturat mund të jenë dëmtuar nga plumbat “qorr” që shkrehen nga njerëz të pa ndërgjegjshëm nëpër ahengje familjare./PrizrenPress.com/

Më Shumë

Plagoset nga një plumb qorr një grua në Prizren

Një grua është goditur nga një plumb qorr, derisa ishte afër një parkingu te tregu ‘Fatoni’ në Prizren, shkruan Gazeta Sinjali. Ngjarja ka ndodhur para...

Dënohen me 900 euro gjobë tre të akuzuarit që rrahën gjyqtarin gjatë ndeshjes së futbollit në Prizren

Tre të akuzuarit J.V., N.K. dhe G.H., janë dënuar secili me nga 300 euro gjobë, pasi kanë pranuar se në nëntor të 2019-ës, në...

Lajmet e Fundit