Kryetari i Prizrenit, Ramadan Muja nuk është paraqitur sot në Gjykatën Themelore. Ai për shkaqe shëndetësore nuk ka mundë të marrë pjesë në gjykimin e radhës.
Gjykata, ndërkaq ka marrë vendim që në mungesë të Mujës seanca gjyqësore të shtyhet për një ditë tjetër. Zëdhënësi i Komunës, Ymer Berisha tha se kryetari Ramadan Muja është i ftohur dhe se me rekomandimin e mjekëve nuk ka marrë pjesë në gjykim. “ Është me grip të lehtë. Mjekët e kanë rekomanduar që të pushojë”, tha Berisha.
Kryetari Muja nuk ka marrë pjesë as në seancën e sotme të Asamblesë Komunale në të cilën është diskutuar buxheti komunal për vitin 2014./PrizrenPress.com/