32.7 C
Prizren
E mërkurë, 2 Korrik, 2025

Serbi: Janë gjetur mbetjet mortore të 37 shqiptarëve

Serbi- mbetjet mortoreNë varrezën masive në Rudnicë afër Rashkës në Serbi janë gjetur mbetjet mortore të 37 shqiptarëve të Kosovës, ka thënë sot një zyrtar serb.

“Zhvarrosja vazhdon dhe së shpejti puna do të filloj në një lokacion të afërt, i cili ndoshta përmbanë më tepër mbetje të shqiptarëve të Kosovës”, tha Velko Odalloviq, shef i Komitetit për personat e pagjetur të Serbisë, gjatë një vizite në këtë lokacion, transmeton RTK.

Besohet se mbetjet janë të shqiptarëve të Kosovës të vrarë gjatë konfliktit në vitin 1999, që pastaj janë dërguar në varreza masive në Serbi, me qëllim që të fshihen gjurmët e krimit, raporton agjencia DPA nga Beogradi.

Disa varre masive të shqiptarëve të Kosovës, përfshirë edhe atë më të madhin, me mbetjet e afro 1000 shqiptarëve në periferi të Beogradit, janë gjetur në Serbi pas rënies së regjimit të Sllobodan Millosheviqit, në vitin 2000.

Varreza në Rudnicë për një kohë të gjatë ishte vend i dyshuar për varrezë masive, por autoritetet e Beogradit i kanë ndalur hetimet për vite të tëra.

Urdhëri që shqiptarët e Kosovës, të vrarë nga forcat serbe, të varroseshin në Serbi, i kishte gjurmët në një takim të qeverisë së Sllobodan Millosheviqit, gjatë bombardimeve 78 ditëshe të NATO-s kundër caqeve ushtarake dhe policore serbe, që përfunduan në qershor të vitit 1999.

Më Shumë

Policia shqipton gjobë për zjarrvënie në Malishevë – apel për parandalim të djegieve

Policia e Kosovës ka njoftuar se Stacioni Policor në Malishevë është duke ndërmarrë masa të vazhdueshme për të parandaluar djegiet që, sipas tyre, shkaktojnë...

DokuFest shpalos filmat në programet garuese

DokuFest ka publikuar sot listën e plotë të filmave që do të marrin pjesë në programet garuese të edicionit të 24-të të festivalit. Pas shqyrtimit...

Lajmet e Fundit