Kandidati i VV-së për kryetar të Prizrenit, Arbër Rexhaj, sfidë të zgjedhjeve të nëntorit e sheh krijimin e besimit dhe ruajtjen e votës.
“Krahas pjesëmarrjes në zgjedhje për ta fituar besimin e qytetarëve mbi aktivistët e Lëvizjes Vetëvendosje! rëndon edhe barra e ruajtjes së votës së qytetarëve”, tha Rexhaj.
Sipas tij, në zgjedhjet e kaluara, partitë politike kanë treguar se deri ku janë në gjendje të shkojnë vetëm e vetëm për të fituar edhe një votë, pavarësisht mënyrës. “Po ashtu edhe aktivistët e VV-së kanë treguar se çka janë në gjendje të bëjnë për ta mbrojtur qoftë edhe një votë. Përballja jonë me manipuluesit e zgjedhjeve me 3 nëntor, nuk do të jetë e lehtë. Por sigurisht se do të përfundoj me disfatën e tyre”./PrizrenPress.com/