Ministri i Ministrisë për Kulturë, Rini dhe Sporte, Kujtim Shala kërkoi nga përfaqësuesit e institucioneve të trashëgimisë kulturore, që të bashkëpunojnë me profesionistët brenda këtyre institucioneve në realizimin e botimeve shkencore nga fusha e trashëgimisë kulturore
Shala pati një takim të frytshëm me përfaqësuesit e institucioneve të trashëgimisë kulturore, nga të cilët u informua për ecurinë e punëve në këto institucione. Përfaqësuesit e këtyre institucioneve u zotuan se do të përmbushin programet e tyre, që lidhen me linjat buxhetore.
Ai kërkoi nga ta, që në përkim me obligimet ligjore dhe programet institucionale, të përmbushin afatin për inventarizimin e objekteve të trashëgimisë kulturore deri me 10 tetor të këtij viti.
Po ashtu, ministri Shala kërkoi nga ta që të bashkëpunojnë me profesionistët brenda këtyre institucioneve në realizimin e botimeve shkencore nga fusha e trashëgimisë kulturore.
Ministri u premtoi përkrahje të vazhdueshme në përmbushje e programeve të tyre, për mbrojtjen, ruajtjen dhe promovimin e trashëgimisë kulturore të Kosovës.