11.8 C
Prizren
E premte, 1 Mars, 2024

SHBA vret ‘udhëheqësin e lartë’ të grupit të lidhur me Al-Qaedën në Siri

Ushtria e Shteteve të Bashkuara të Amerikës (SHBA) ka informuar se zhvilloi një operacion në provincën Idlib të Sirisë, që kishte për synim një udhëheqës të lartë të një grupi të lidhur me Al-Qaedën.

Sulmi kishte në shënjestër Abu Hamzah al Jemeni, një “udhëheqës i lartë” i Hurras al-Din, ndërsa ai po udhëtonte i vetëm me një motoçikletë.

Kështu u tha nga Komanda Qendrore e SHBA-ve në një deklaratë. Sipas tyre operacioni nuk shkaktoi viktima civile.

“Largimi i këtij udhëheqësi të lartë do të prishë aftësinë e Al-Qaedës për të kryer sulme kundër qytetarëve amerikanë, partnerëve tanë dhe civilëve të pafajshëm në mbarë botën”, shtohet në deklaratë.

Mbrojtja Civile Siriane, një organizatë humanitare, tha në një postim në Twitter se një burrë u vra pak para mesnatës pasi motoçikleta e tij u godit me dy raketa, duke shtuar se e ka transferuar trupin në departamentin e mjekësisë ligjore në qytetin Idlib.

Sulmi erdhi 10 ditë pasi një bastisje e rrallë tokësore nga forcat amerikane në Sirinë veriperëndimore kapi një udhëheqës të lartë të ISIS.

Më Shumë

Grabitje nën kërcënimin e armës në një shtëpi në Ratkoc të Rahovecit

Tre persona të maskuar dhe nën kërcënimin e armës e kanë të premten pas mesnatës kanë grabitur shtëpinë e një çifti në fshatin Ratkoc...

Arrestohet një person në Prizren , dhunoi dhe kërcënoi një grua

Është arrestuar një burrë në Prizren, i cili dyshohet se ka dhunuar dhe kërcënuar vazhdimisht familjaren e tij. Pas intervistimit me vendim të prokurorit i...

Lajmet e Fundit