Ministria e Industrisë, Ndërmarrësisë dhe Tregtisë ka caktuar çmimet tavan për shitjen e derivateve, për ditën e martë.
Sipas vendimit, çmimi maksimal i lejuar i naftës është 1.86 euro për litër, i rritur për një cent nga dita e hënë, ndërsa çmimi i benzinës 1.74 euro e i gazit 0.78 euro.
Këto çmime vlejnë nga ora 10:00 e së martës dhe janë valide 24 orë.
Kështu, ministria pritet të caktojë çdo ditë çmimet tavan për shitjen e derivateve.
Ministria e Industrisë, Ndërmarrësisë dhe Tregtisë të hënën ka filluar të caktojë çmimet tavan për shitjen e derivateve.
Gjatë ditës së djeshme, çmimi maksimal i lejuar i naftës ishte 1.85 euro për litër, i benzinës 1.74 euro dhe i gazit 0.78 euro.