Deklarimet se ish-shefi i Shërbimit Informativ të Kosovës (SHIK), Kadri Veseli është i paprekshëm dhe i pamposhtshëm në Mitrovicë dolën të jenë thjesht mite të krijuara prej kohës kur Veseli nuk merrej publikisht me politikë.
Rezultatet e zgjedhjeve të fundit lokale kanë treguar se qytetarët e Mitrovicës nuk duan të votojnë më sipas të kaluarës patriotike por sipas ofertës dhe bindjes që ata marrin nga kandidatët në garë.
Se mitet për SHIK-un kanë rënë, ka treguar edhe fakti se kandidati i AKR-së për kryetar të Mitrovicës Agim Bahtiri, e ka përmendur vazhdimisht ‘sekretin’ publik se ai ishte në garë me Kadri Veselin e Bajram Rexhepin e jo me kryetarin e deritashëm Avni Kastratin. Përveç këtij ‘bastioni’, ish-zyrtarët e SHIK-ut humbën edhe dy qytete të rëndësishme, Ferizajn dhe Lipjanin, derisa Podujevën nuk arritën ta shkëpusin nga ndikimi LDK-së,shkruan Tribuna.
Ferizaj njihej për kontroll të vazhdueshëm nga deputeti Elmi Reçica, një nga krerët e ish-strukturës së spiunazhit. Lipjani është një bastion tjetër i kësaj organizate. Prej atje kanë dalë edhe shumë akuza e kundërakuza