Nëntëvjeçarja Shkëlqesa Krasniqi nga Llapushiku i Drenasit nuk e gëzojë ditën e parë të mësimit sikur fëmijët e tjerë.
Së bashku më fëmijë tjerë nga Llapushiniku, deri në shkollën fillore “XHeladin Gashi – Plaku” në Komaran, dje udhëtuan rreth 5 kilometra këmbë. Me tu kthyer rrugës për në shtëpi, ajo u përplas fortë nga një kamion.
Shkëlqesa tani ndodhët në gjendje kome e shtrirë në Qendrën Klinike Universitare të Kosovës.
Babai i saj fajëson organet komunale që atë ditë nuk e dërguan autobusin në fshat për të kryer transportin e nxënësve si rëndom.
“Vajza ndodhët në komë, veç zoti e di nëse do të shpëtoi. Komuna e Drenasit nuk e solli dje autobusin në fshatë. Autobusi u soll kur ata morën vesh për Shkëlqesën. Njëherë po qëndrojë me vajzën, pastaj do të merrem edhe me komunën. Gjithsesi, se do të ushtrojë padi ndaj tyre”, tha për Indeksonline babai i nëntëvjeçares së aksidentuar, Bashkim Krasniqi.
Nga ana tjetër, Policia e Kosovës ka njoftuar se në Fsh.Komoran, Magjistrale Prishtinë-Pejë është raportuar një aksident trafiku ku i dyshuari i cili ishte duke drejtuar kamionin e tij, ka goditur (fëmiun) këmbësoren e cila ka pësuar lëndime të rënda trupore.
“Me urdhër të prokurorit mjeti transportues është dërguar për kontroll të jashtëzakonshme teknike, ndërsa i dyshuari është dërguar në mbajtje”, ka bërë të ditur Policia e Kosovës.