Në ceremoninë e ndarjes së çmimeve në Panairin e Librit në Prishtinë, janë ndarë çmimet për më të suksesshmit e edicionit të 17-të, i cili është mbajtur në mbrëmjen e së premtes.
Me vendim të jurisë profesionale çmimi shkrimtari i vitit i është ndarë Roland Gjoza, ndërkaq, çmimi për shkrimtarin e vitit në letërsi të huaj i është ndarë, Patrick Modiano.
Poashtu në këtë edicion janë ndarë edhe çmimet në prozë, ku çmimi ka shkuar për Rexhep Murtez Shala, çmimi në poezi për Xhevdet Bajraj , për, kritikë, studime letrare, eseistikë, publicistikë është ndarë për Blendi Fevziun, kurse çmimi për përkthim letrar është ndarë për Jorgji Doksanin dhe Anila Xhekaliu, çmimin për projektin kapital është ndarë për veprën De Rada që është mbështetur nga te dy Ministritë e Kulturës, ajo e Kosovës dhe e Shqipërisë. Çmimi për fëmijë i është ndarë, Arif Demollit. Poashtu është ndarë edhe çmimi për stendën më të vizituar që ka shkuar për shtëpinë botuese “Pegi”.
Ndërkohë, në këtë edicion është ndarë për herë të parë edhe çmimi i veçantë për shkrimtarin debutues që ka shkuar për Gaverina Muzhaqin./KultPlus.com