Seanca e jashtëzakonshme e Kuvendit Komunal në Prizren e thirrur për cështjen e arsimit është shty për 12 mars.
Sipas shefit të GK të LVV-së, Artan Abrashi, arsyeja e shtyrjes së kësaj seance që ka qenë edhe kërkesë e disa partive të opzitës përfshirë edhe këshilltarë të pozitës.
“Shtyrja është bërë shkaku i manifestimit të Epopesë së UÇK-së”.
Përveç drejtorit të Arsimit, Nexhat Çoçaj, një pjesë e opozitës ka kërkuar që i pranishëm në këtë seancë të jetë edhe kryetari i komunës, Ramadan Muja,transmeton TVPZ.
Javën e kaluar, shefat e Grupeve të Këshilltarëve në Kuvendin e Prizrenit, ishin dakorduar që me datën 5 mars të mbahej një seancë ku do të diskutohej gjendja në sektorin e arsimit, sidomos së fundi pas pretendimeve të fundit të gazetarit, Rami Berisha, për shumë shkelje ligjore në këtë sektor.