Unë shoh që çdo ditë e për ditë se muzika jonë po harrohet. Nuk e kam fjalën që po harrohet nga krijuesit e muzikës.
Nganjëherë më bën të pyes,pse kaq shumë thirremi se jemi shqiptarë dhe shprehim patriotizëm kur tash krijuesit e këngës shqipe apo më mirë me thënë disa këngëtarë bëjnë huazime,vjedhje edhe nga ata ,të cilët për pak deshën të na fshijnë nga faqja e dheut. Shpeshherë më ngjallë neveri kjo që po bëjmë ,sepse harrojmë melosin tonë të pasur me këngë burimore. Shpresoj, se kjo traditë e huazimit të këngëve të marrë sa më shpejtë fund pasi që po i servojmë popullit një mizori të vërtetë. Populli s ka faj !
Janë këto fjalë të së Madhes ,të Mbretëreshës së këngës shqipe,Krenarisë të shqiptarisë,Bilbilit të Kosovës- Nexhmije Pagarushës,të cilat nuk e kemi kohën kur i ka fol,por nga arkivi i Kosovares i zgjodhëm këto fjalë,sa për t ua kujtuar atyre që sikur po e harrojnë këngëtaren,me të cilën u krenuam kudo e kahdo që këndoi.
Të gjitha këto epitete që i shënuam ikona e muzikës sonë i fitoi me zërin e këngën e saj,që siç thonë shumë veta s lind më.
Çka të shkruaj tjetër për zërin,këngën,kontributin e saj në muzikën tonë ,veç çka e teproj. Është shkruar e është thënë shumë. Por gjithmonë pak aq sa meriton primadona e melosit tonë popullor, Nexhmije Pagarusha Ka shkruar sa e sa herë edhe “Kososvarja”. Por më së miri flet bagazhi i saj me këngët që na i lë . Me këngët e pazëvendësueshme,të papërsëritshme,historike,të pavdekshme…
E nga e gjithë kjo,derisa i shkruaj këta pak rreshta,më bën të pyes:
Vërtetë , ku gjendet sot Nexhmije Pagarusha?
E di se është gjallë,por ku ,në çfarë kushtesh,si jeton,me kë kalon ditët e pleqërisë nuk kam informacion.
Keq.
Shumë keq /g.dili/ Kosovarja/