Komandanti i Stacionit të Policisë për Mbikëqyrje në Vërmicë, Shaban Osmanollaj, e ka vlerësuar të mirë situatën e sigurisë në kufirin Kosovë-Shqipëri. Ai thotë se ky rezultat është arritur falë bashkëpunimit të mirë me policinë dhe doganën e Shqipërisë.
“Gjendja e siguresë përreth kufirit është e mirë. Kjo është arrit falë bashkëpunimit të mirë që Policia e Kosovës ka me policinë dhe doganën e Shqipërisë”,ka thënë Osmanollaj, në takimin që ka zhvilluar sot me kryetarin e Prizrenit, Ramadan Muja.
Ai vlerësoi lartë bashkëpunimin edhe me banorët e fshatrave përreth kufirit.
“Në bashkëpunim me banorët po ashtu kemi arrit t’i parandalojmë kalimet ilegale të kufirit”/PrizrenPress.com/