Nëna e presidentit amerikan ishte me origjinë shqiptare, nga Peja. Besohet se vetë Presidenti Uashington ka lënë një letër e cila është shkruar që Amerika t’i mbrojë shqiptarët në çdo kohë dhe në çdo mënyrë.
Nga John McCallum / Reuters
Instituti i Biokimisë dhe Gjenetikës, me seli në Schafhausen, Zvicër, ka publikuar rezultatet e hulumtimit më të fundit gjenetik të liderëve botërorë, sipas të cilit del se presidenti i Shteteve të Bashkuara të Amerikës, Xhorxh Uashington (George Washington), ka qenë me origjinë shqiptare .
Instituti, i cili ka hulumtuar gjerësisht mostrat gjenetike të ish-presidentit amerikan që drejtoi vendin në luftën çlirimtare kundër Mbretërisë Britanike, ka dale në përfundimin se Uashington ishte 50 përqind shqiptar, që do të thotë se njëri nga prindërit e tij ishte 100 përqind shqiptar.
Instituti i Bazelit nuk hyn në detaje, por ekspertë të fushave të tjera kanë kërkuar ta konfirmojnë këtë pohim, duke përmendur edhe prova të tjera, gjenealogjinë dhe prova gjuhësore.
Xhorxh Uashington ishte lideri kryesor politik dhe ushtarak i SHBA në vitet 1775-1799, i cili e çoi vendin drejt fitores në luftën çlirimtare kundër Britanisë së Madhe, ishte në krye të vendit në kohën e shkrimit të Kushtetutës, dhe zhvilloi Praktikat presidenciale të Qeverisë, që edhe sot janë themelet e punës në Shtëpinë e Bardhë.
Në SHBA, ai konsiderohet “Babai i Kombit”.
Nëna shqiptare
Sipas gjuhëtarit Albert Myko, i Institutit të Gjuhësisë në Universitetin Berkley, Calif., SHBA, ka të dhëna të tjera që tregojnë që nëna e Xhorxh Uashington ishte shqiptare.
“George Washington ishte djali i Augustin Washington dhe Mary Ball Washington. Mary në fakt është Mary Bala, prindërit e së cilës ishin nga Peja, në Kosovën e sotme. Marija lindi në Lively, Virginia, SHBA në 1708, por prindërit e saj shkuan atje në 1706 , pas një udhëtimi të gjatë me anije që filloi nga Raguza, Dubrovniku i sotëm, dhe i çoi ata përmes Britanisë në tokën e premtuar, Amerikë. Historia e gjyshërve të Uashingtonit që udhëtojnë nga Kosova për në Amerikë përshkruhet në biografinë e Mary Ball Washington nga Virxhinia Karmichael, botuar në 1850. Madje është përfolur që Balaj kishte ardhur nga një fshat i quajtur Sinic, që mund të ishte një ngatërrim i emrit të fshatit Isniq, në komunën e Deçanit”, thotë Myko, i cili tregon se kjo histori është mbajtur prej kohësh e fshehur në raftet e Shtëpisë së Bardhë dhe që përmendja e prejardhjes shqiptare të Uashingtonit është hequr nga lista e ndaluar e Këshillit të Sigurisë Kombëtare të SHBA vetëm kohët e fundit.
Në këtë drejtim, zyrtarët e Shtëpisë së Bardhë ranë dakord të thoshin vetëm se “nuk ishte e rastësishme që nënkryetari i SHBA, Joe Biden përmendi Presidentin Uashington në lidhje me Kryeministrin e Kosovës”.
Washington DC
Sidoqoftë, zbulimi i fundit, ndoshta hedh dritë në disa aspekte të tjera të përfshirjes amerikane në Kosovë dhe mbështetjen për shqiptarët në përgjithësi.
Autori i mirënjohur amerikan, Carl Woodward, i cili ka shkruar dhjetëra libra dokumentarë për presidentët amerikanë dhe histori nga Shtëpia e Bardhë, thotë se ndërsa hulumtonte nëpër arkiva për librin e tij presidencial të Klinton, botuar në 2004 me titullin “Shtëpia e Klintonit”, gjeti një letër të George Washington për shqiptarët.
“Mbaj mend që kur mora letrën për t’ia treguar Bill Klintonit në një nga shumë intervistat, dhe i thashë:” Ja, Bill, kjo është ajo që kam zbuluar nga arkivat e Uashingtonit “, ai tha:” E kam parë Carl, e kam parë. Nëse nuk do ta kisha parë, Zoti e di nëse do të kishim ndërhyrë në Kosovë”, thotë Woodward, i njohur si gazetar, reporter dhe autor, që deri më tani ka fituar katër çmime Pulitzer.
Ai thotë se nuk e përfshiu letrën e Uashingtonit në librin e Klintonit, sepse ai tani po përgatit një libër të veçantë për Uashingtonin dhe prejardhjen e tij shqiptare.
Woodward thotë se po mendon për titullin e librit, “George Washington: Shqiptari i parë në Shtëpinë e Bardhë”, ose mbase “Një shqiptar nga Kosova që krijoi shtetin e Amerikës”.
“Në një farë mënyre, angazhimi i SHBA në mbrojtje të shqiptarëve është një borxh që Amerika tani po i kthen njerëzve që krijuan vetë themeluesin e Amerikës. Shiko, nga hulumtimi im është e qartë se edhe Presidenti Woodrow Wilson e lexoi këtë letër kur ishte vendosur të krijonte një shtet të pavarur të Shqipërisë”, thotë Woodward, dhe shton se po ashtu, Presidenti Nixon ishte personi kryesor që kontribuoi në arritjen e autonomisë së Kosovës, me Kushtetutën e vitit 1974.
“Nixon dhe Tito patën një takim diku në vitin 1970, në të cilin presidenti amerikan u zotua të jepte 5 miliard dollarë ndihmë për Jugosllavinë, nga 500 milion në vit deri në vitin 1980, në këmbim të një autonomie të plotë për Kosovën. Tito ra dakord, dhe gjithçka filloi – krijimi i Universitetit të Prishtinës, ndryshimet kushtetuese të vitit 1971, Kushtetuta e vitit 1974, etj” thekson Woodward.
‘’Edhe një vazhdim i ndihmës është parashikuar në një diskutim midis Titos dhe presidentit tjetër amerikan Jimmy Carter për vitet 1980-1990, ku Tito ishte i gatshëm t’i jepte Kosovës statusin e republikës. Por Tito vdiq, serbët ishin kundër autonomisë, amerikanët ndaluan së ndihmuari … pjesën tjetër ju e dini,”tha ai.
Sidoqoftë, Woodward beson se të gjithë presidentët amerikanë e kanë lexuar letrën e Uashingtonit dhe kanë qenë të detyruar të ndihmojnë shqiptarët në mënyra të ndryshme dhe në periudha të ndryshme të historisë.
Autori amerikan nuk dëshiron të zbulojë përmbajtjen e letrës, duke thënë “Unë duhet të pres që libri im të dalë”, por thotë se ajo që shkroi Uashington do të sqarojë shumëçka për raportet e SHBA me shqiptarët.
Sipas studimit, Fidel Castro është me origjinë angleze, Vladimir Lenin ishte çeçen, ndërsa Presidenti Francez Charles de Gaulle, ishte, në të vërtetë, me origjinë arabe./Oculus News
Përkthyer dhe përshtatur nga Oculus News/ konica.al