Kryetari i Prizrenit Ramadan Muja, drejtues të përkohshëm të Drejtorisë së Arsimit në Prizren, ka caktuar nipin e tij, Simir Krasniqin.
Krasniqi do të zëvendësojë përkohësisht drejtorin e paraburgosur Nexhat Çoçaj.
Ndërkaq, partitë opozitare kanë akuzuar kryetarin Ramadan Muja, për këtë veprim skandaloz.
“Emërimi si ushtrues detyre i Simir Krasniqit nipit të Ramadan Mujës ma forcon bindjen edhe më shumë, se ky pushtet, jo vetëm që u bë i pakënaqshëm për qytetar, por tani është bërë tepër i rrezikshëm për të ardhmen e fëmijëve tanë”, thotë kuvendarja e VV-së Drita Millaku.
“Këtë degradim që po ia bën Ramadan Muja qytetit të Prizrenit e veçanërisht arsimit me dekada nuk do të mund të rregullohet”.
“U.D Simir Krasniqi (nipi i Ramadan Mujës)është përgjegjësi kryesor që një shkollë dikur me nam “Luciano Matroni” ta degradojë duke pranuar mësimdhënës pa konkurs dhe pa tituj profesional”.
“Tani këtij nipi iu besua ta udhëheq jo vetëm shkollën por gjithë DKA – në. Kjo është skandaloze !”.
“Suspendimi e jo shkarkimi nga detyra e DKA-së Nexhat Çoçaj, tregon se Ramadan Muja është i involvuar në këtë katrahurë”,shprehet Millaku.
Rreth këtij emrimi ka reaguar edhe Dega e LDK-së në Prizren.
“Lidhja Demokratike e Kosovës në Prizren shpreh shqetësimin për papërgjegjësinë ligjore në emërimin e përgjegjësve të Drejtorisë së arsimit në Prizren nga Kryetari i Komunës”, thuhet në reagimin e LDK-së.
“Si në rastin personal, kur ai u dënua nga gjykata, e patë zbuluar një mundësi të veçant; vetë-pezullimin nga detyra e Kryetarit të Komunës!”.
“I njëjti edhe në rastin e arrestimi të Nexhat Çoçaj´në Drejtorin e Arsimit, ka vendos të bëj një tjetër zbulim, akoma edhe më të çuditshëm!
“Ramadan Muja për përgjegjës në DKA ka zgjedhë Simir Krasniqin, nipin e tij, një person që tash e sa vite ishte i emëruar drejtor i Shkollës së Mesme të Mjekësisë në Prizren”, thuhet në reagimin e LDK-së në Prizren./PrizrenPress.com/