Klubi Futbollistik “Ballkani” ka arritur marrëveshje me mbrojtësin e krahut të majtë Arbër Potoku për të vazhduar bashkëpunimin edhe për dy vite e gjysmë, raporton ekskluzivisht Gazeta “Sheshi”.
Bisedimet për të rinovuar kanë rezultuar të suksesshme, derisa mbrojtësi mitrovicas pritet që më 1 gusht të hedh të ‘zezën mbi të bardhë’.Potoku ishte njëri ndër futbollistët më të kërkuar në afatin kalimtar të verës, derisa Gazeta “Sheshi” raportoi për të gjitha ofertat që kishte në tryezë, në mesin e të cilave ishte edhe ajo e klubit të Shkëndisë nga Tetova.
Pavarsisht se Ballkani nuk arriti të shpallej kampion dhe as të dalë në Evropë, Potoku ishte prej më meritoreve pse kjo skuadër luftoi deri në fund për dy trofetë.25 vjeçari u transferua te Ballkani nga Trepça ’89 dy vite më parë.