Gara e sivjetshme për kryetar të Prizrenit, duket se do të jetë intersante dhe shumë e ngushtë. Kandidati i LDK-së Eqrem Kryeziu, ndërkaq mund të fitojë në zgjedhjet e 3 nëntorit, përballë kandidatëve të partive tjera, për kryetar të Prizrenit. Një sondazh i realizuar nga portali “PrizrenPress”, për zgjedhjet e 3 nëntorit në betejën për këtë qytet e nxjerr fitues Kryeziun.
Në sondazh kanë marrë pjesë 10,195 lexues. Eqrem Kryeziu nga lexuesit ka marrë 2,537 vota. Pas tij, rënditet kandidati i Lëvizjes Vetëvendosje! Arbër Rexhaj. Ai nga votuesit ka marrë 2,255 vota. Kryeziu dhe Rexhaj, sipas sondazhit, kanë një diferencë të ngushtë të votave. Kryeziu nga lexuesit ka marrë vetëm 282 vota më shumë se Rexhaj.
Në vendin e tretë sipas sondazhit, rënditet Zafir Berisha, kandidat i Bashkimit Demokratik në Prizren. Berisha nga lexuesit ka marrë 2,1238. Kandidati i PDK-së, Ramadan Muja, ndërkaq rënditet i katërti. Ai ka marrë vetëm 1,418 vota.
Tabela e rezultateve të sondazhit është siç vijon:
Ramadan Muja (PDK) 1418 vota, ose 14 për qind
Eqrem Kryeziu(LDK) 2537 vota, ose 25 për qind
Lulëzim Kabashi (AAK-LDD) 550 vota, ose 5 për qind
Arbër Rexhaj (VV) 2255 vota, ose 22 për qind
Zafir Berisha (BD) 2128 vota, ose 21 për qind
Beni Kizolli(PK)488 vota, ose 5 për qind
Naser Bresa (AKR) 336 vota, ose 3 për qind
Pajtim Kosova(PD) 136 vota, ose 1 për qind
Fadil Softa (ADK) 347 vota, ose 3 për qind
Nga sondazhi shihet se gara mes kandidatëve për kryetar të Prizrenit do të jetë shumë e ngushtë. Përveç, kandidatëve “lufta” për Prizrenin, gjatë fushatës zgjedhore është zhvilluar edhe në mes liderëve të partive politike.Ata kanë kërkuar nga qytetarët që me 3 nëntor t’i votojnë kandidatët e tyre për kryetar të Prizrenit. /PrizrenPress.com /