Pas një sezoni ku dominuan dy skuadra në IP Superligën e Basketbollit të Kosovës, Sigal Prishtina e Bashkimi, të njëjtat janë duke u ndeshur edhe në finalen e vlefshme për titullin e kampionit të Kosovës në basketboll.
Momentalisht prizrenasit e Bashkimit janë duke udhëhequr 2-1 në serinë e ndeshjeve kundër Sigal Prishtinës, derisa ndeshja e tretë, që mund të përcaktoj edhe fituesin, zhvillohet sonte në palestrën “Sezai Surroi” të Prizrenit me fillim në ora 21:00.
Bashkimi ka rastin të ndërpres dominimin e Prishtinës në basketbollin e Kosovës, pasi katër vitet e fundit titulli kishte shkuar në kryeqytet.
Përndryshe, duhet theksuar po ashtu se, nëse Bashkimi shpallet kampion, atëherë Prizreni këtë edicion do të jetë vendi që ngrit në të dyja konkurrencat trofetë, kjo për shkak se javë më parë në konkurrencën e femrave, titulli po ashtu ishte fituar nga skuadra e vashave të Bashkimit. /Insporti.com