Rreth 32 mijë maturantë që sivjet do t’i nënshtrohen provimit të maturës shtetërore, do të poentohen vetëm nga pikët e rezultateve që arrijnë. Kjo pastaj do t’iu shërbejë për pranim në universitet. Kjo do të rregullohet edhe me Projektligjin që është duke u përgatitur, i cili sot do të shqyrtohet në Komisionin për Arsim, Shkencë, Teknologji, Kulturë, Rini dhe Sport.
Me projektligjin për Maturën Shtetërore, pragu i kalueshmërisë për maturantët nuk do të jetë më 50 për qind, por do të jetë vetëm me arritshmëri.
Provimi shtetëror i maturës për këtë vit shkollor do të mbahet më 6 dhe 20 qershor, ndërsa afati i dytë do të mbahet më 29 gusht dhe 5 shtator.