Mbrëmja e së mërkurës në NBA ishte e mbushur plot me spektakël.
13 ndeshje u zhvilluan, vëllezër përballë njëri-tjetrit, fitore të mëdha, fitore të ngushta, ndeshje të zgjidhura në kohën shtesë, kishte pothuajse gjithçka që një natë basketbolli mund të ofrojë.
Golden State Warriors – Philadelphia 76ers:
Në një ndeshje ku përballë ishin vëllezërit Curry, me lehtësi fitoi skuadra e Stephen.
Golden State konfirmuan formën e mirë duke fituar përsëri.
Kjo ishte fitorja e 16-të për Warriors pas 18 takimesh.
Ndeshja e mbrëmshme u mbyll me rezultat 116-96, me Warriors që dominuan çdo çerek të takimit.
Stepehen Curry shënoi 25 pikë, dhe arriti double-double me dhjetë asiste.
Seth në anën tjetër shënoi 24 pikë. Dyshja ishin edhe lojtarët më të spikatur të takimit.
Warriors janë në vendin e parë në perëndim, derisa 76ers janë në vendin e dhjetë në lindje me dhjetë fitore dhe nëntë humbje.
Cleveland Cavaliers – Phoenix Suns:
Suns nuk e kishin edhe aq të lehtë përballë Cavaliers, duke arritur fitoren vetëm në periudhën e fundit.
Phoenix fituan me rezultat 115-120.
Devin Booker ishte basketbollisti më i dalluar i takimit, me plot 35 pikë të shënuara.
Suns janë skuadra e dytë më e dalluar, jo vetëm në perëndim, por në NBA.
Pas 18 ndeshjesh, nënkampionët kanë 15 fitore.
Cleveland ndodhen në vendin e 12-të në lindje, me nëntë fitore dhe dhjetë humbje.
Boston Celtics – Brooklyn Nets:
Brooklyn vazhdojnë të renditin fitoret.
E fundit në radhën e “viktimave” të tyre ishte Boston Celtics.
Nets fituan me rezultat 104-123, duke mos patur asnjë problem në asnjë moment të takimit.
Kevin Durant ishte basketbollisti më i dalluar, me 21 pikë, katër kërcime edhe tetë asistime.
Nets me ketë fitore ngjiten në vendin e parë në lindje, me 14 fitore pas 19 takimesh.
Boston mbetet në vendin e nëntë, me dhjetë fitore pas 19 ndeshjesh.
Milwaukee Bucks – Detroit Pistons:
Pas fillimit të dobët të sezonit, Brooklyn ka nisur ngjitjen me hapa të shpejtë drejt kreut.
Kampionët të mërkurën fituan me lehtësi përballë Detroit Pistons.
Rezultati përfundimtar i takimit ishte 114-93.
Giannis Antetokounmpo ishte basketbollisti më i dalluar i takimit, me 33 pikë, shtatë kërcime dhe pesë asistime.
Bucks me këtë fitore ngjiten në vendin e gjashtë në lindje, me 11 fitore pas 19 ndeshjesh.
Detroit Pistons janë në vendin e 14-të, me vetëm katër fitore pas 18 takimesh.
Indiana Pacers – Los Angeles Lakers:
Lakers detyrohet të zgjidhë edhe një ndeshje tjetër në kohë shtesë.
Pasi ndeshja e rregulltë mes Pacers dhe Lakers përfundoi 112-112, skuadrat iu drejtuan vazhdimeve.
Aty Lakers ishin më të mirë, duke shënuar 12 pikë, në krahasim me vetëm katër të Pacers.
Lebron James ishte larg më i dalluari në këtë takim. Ai shënoi 39 pikë, kishte pesë kërcime dhe gjashtë asistime.
Lakers ndodhen në vendin e nëntë, me rekord 10-10 pas 20 takimesh.
Pacers ndodhen në vendin e 13-të në lindje, me 12 humbje pas 20 ndeshjesh.
Ndeshjet tjera përfunduan me rezultat:
Orlando Magic 99-106 Charlotte Hornets
Houston Rockets 118-113 Chicago Bulls
Memphis Grizzlies 113-126 Toronto Raptors
Minnesota Timberwolves 113-101 Miami Heat
New Orleans Pelicans 127-102 Washington Wizards
Oklahoma City Thunder 104-110 Utah Jazz
San Antonio Spurs 106-124 Atlanta Hawks
Sacramento Kings 125-121 Portland Trail Blazers
/Albanianpost.com