25.8 C
Prizren
E hënë, 24 Qershor, 2024

Stipe Mesiq: Nuk besoj që janë fajtorë ish- krerët e UÇK-së në Hagë

Ish-presidenti i Kroacisë,Stipe Mesiq, nuk beson që ish-krerët e UÇK-së janë fajtorë për akuzat që po i ngarkon Zyra e Prokurorit të Specializuar dhe Dhomat e Specializuara, me seli në Hagë.

“Nuk kam dëshirë t’i komentoj proceset që janë në vazhdim. Për aq sa kam lexuar deri më tash nuk besoj se ata janë fajtorë për cka po akuzohen”, tha Mesiq në Prizren.

Ish-krerët e UÇK-së, po akuzohen për krime lufte dhe krime kundër njerëzimit nga Zyra e Prokurorit të Specializuar dhe Dhomat e Specializuara, me seli në Hagë.

Deri më tani Dhomat e Specializuara kanë arrestuar dhe konfirmuar aktakuza për udhëheqësit kryesorë të Ushtrisë Çlirimtare të Kosovës, përfshirë ish-presidentin Hashim Thaçi, ish-kryetarët e Kuvendit, Kadri Veseli e Jakup Krasniq, deputetin Rexhep Selimi si dhe eprorin tjetër të UÇK-së, Salih Mustafa./PrizrenPress.com/

 

Më Shumë

Moti me diell, temperatura deri në 34 gradë

Instituti Hidrometeorologjik i Kosovës ka bërë të ditur se për sot parashihet të mbajë mot me diell dhe vranësira të shpërndara. Moti me diell, temperatura...

Me vetëfinancim, banorët e fshatit Landovicë rregullojnë lumin

Banorët e fshatit Landovicë me vetfinancim kanë rregulluar lumin e fshatit. Ata përkujdesen çdo ditë për mirëmbajtjen e tij. Madje rruga pranë lumit është...

Lajmet e Fundit