Vendimi i Universiteti të Prishtinës që të mos shkelet më Statuti i UP-së për avancime akademike, është mirëpritur edhe nga studentët.
ORAinfo, ka kontaktuar me përfaqësuesin e Parlamentit Studentor në lidhje me këtë çështje të cilët kanë mirëpritur këtë vendim.
Kryetari i Parlamenti Studentor Arben Mehmeti ka thënë për ORAinfo se do të përkrahin çdo gjë që do të jetë komfor Statutit të UP-së.
“Kjo do të thotë se ne nuk do të përkrahim asgjë që nuk është komfor statutit”, ka thënë Mehmeti.
Ai ka thënë se vendimet në lidhje me këtë çështje do t’i marrim në kohën kur në Senat do të votohen avancimet e profesorëve.
“Nuk duam të paragjykojmë njëherë, vendimet i marrim në kohën kur do të bëhen avancimet. Nëse do të ketë shkelje do t’i kundërshtojmë”, ka thënë Mehmeti.
Ndryshe, Parlamenti Studentor që nga fillimi i ardhjes së Rektorit Zejnullahu në krye të UP-së , pati akuzuar Rektorin që po i zbaton kriteret statutare vetëm për studentët. Megjithatë, në lidhje me avancimet akademike, Parlamenti Studentor e përkrah vendimin e Rektorit Zejnullahu.