Numri i studentëve që ndjekin studimet jashtë vendit vazhdon të rriten ndërsa institucionet e arsimit të lartë në mbarë botën konkurrojnë për mendjet më të ndritura. Por ka konkurrencë në rritje për studentët nga rajonet në zhvillim, që mund të ofrojnë programe studimi më të përballueshme dhe të rëndësishme nga pikëpamja kulturore.
Rritja e studentëve ndërkombëtarë lëvizës pasqyron regjistrimin universitar që po njeh rritje në mbarë botën. Në vitin 2012, të paktën 4 milionë studentë kanë lëvizur për të studiuar jashtë vendit, nga 2 milionë në vitin 2000, duke përfaqësuar 1.8% të të gjitha regjistrimeve në sistemet terciare ose 2 në 10 studentë në nivel global.
Azia Qendrore, shtëpia për popullsinë më të lëvizshme të studentëve, ka përjetuar një rritje të vazhdueshme të numrit të studentëve që studiojnë jashtë vendit. Ky grup u rrit nga 67.300 në vitin 2003 në 156.600 në vitin 2012, me raportin nga jashtë mobilitetit më shumë se të dyfishuar nga 3.5% në 7.5%. Këto shifra tregojnë se regjistrimi i brendshëm terciar nuk ka njohur frenim me kërkesën në rritje për arsimin e lartë.
Krejt në të kundërt, studentë nga Afrika sub-Sahariane, të cilët janë të dytët më të lëvizshmit, por qëndrojnë më afër shtëpisë. Sipas të dhënave të fundit, 288.200 studentë kanë studiuar jashtë vendit në vitin 2012, nga 204.900 në vitin 2003. Por, në këtë periudhë raporti i mobilitetit nga jashtë drejt rajonit ka rënë nga 6% në 4.5%. Zhvendosja sugjeron se sistemet e arsimit të lartë vendas janë duke u zgjeruar në mënyrë të qëndrueshme.
Tre rajone kanë raporte relativisht të ulëta të mobilitetit nga jashtë: jugu dhe perëndimi i Azisë, ku 1.0% e studentëve të arsimit të lartë kanë studiuar jashtë vendit), Amerika Latine dhe Karaibet (0.9%), dhe Amerika e Veriut (1.4%).
Qendrat rajonale tërheqin pjesën më të madhe të popullatës studentore globale
Ndërsa destinacionet tradicionale, të tilla si Shtetet e Bashkuara, mbeten magnet i fortë për studentët që kërkojnë një arsim me cilësi të lartë, vendet e reja të destinacionit dhe qendrat rajonale janë duke konkurruar për një pjesë të të ardhurave dhe kapitalit intelektual të studentëve ndërkombëtarë të lëvizshëm.
Në vitin 2012, pesë destinacionit tradicionale pritën gati gjysmën e totalit të studentëve të lëvizshëm: Shtetet e Bashkuara (18%), Mbretëria e Bashkuar (11%), Franca (7%), Australia (6%), dhe Gjermania (5%) . Por këta të pestë kanë parë edhe rënie në pjesën e tyre të regjistrimeve ndërkombëtare nga 55% në vitin 2000 në 47% në vitin 2012.
Australia dhe Japonia, destinacionet tradicionale në Azinë Lindore dhe Paqësorin, janë të rivalizuar nga të sapoardhurit Kina, Malajzia, Republika e Koresë, Singapori dhe Zelanda e Re, e cila mirëpriti 6% të peshës globale të studentëve të lëvizshëm në vitin 2012.
Në Shtetet Arabe, Egjipti, Arabia Saudite dhe Emiratet e Bashkuara Arabe janë duke bërë përpjekje për të rekrutuar studentë nga jashtë. Këto tri vende pritën 4% të totalit global të studentëve të lëvizshëm.
Më shumë studentë që qëndrojnë afër shtëpisë
Qendrat rajonale jo vetëm tërheqin një pjesë të popullsisë globale të studentëve të lëvizshëm, por janë duke u bërë destinacionet e favorizuara për studentët brenda rajoneve. Kosto më të ulëta të udhëtimit dhe familjaritet kulturor janë pjesë e joshjes. Në Shtetet Arabe, pjesëmarrja e studentëve të lëvizshëm që studiojnë brenda rajonit u rrit nga 12% në 26% në mes të 1999- 2012. Rritja në Evropën Qendrore dhe Lindore është nga 25% në 37%, dhe në Afrikën sub-Sahariane është nga 18% në 28%. Emiratet e Bashkuara Arabe (Dubai) tani ka lënë pas Mbretërinë e Bashkuar në tërheqjen e studentëve nga Shtetet Arabe dhe është bërë destinacioni i tretë më i popullarizuar (i ndjekur nga Franca, Shtetet e Bashkuara) për studentët nga rajoni.
Afrika e Jugut ka tërhequr 22% të studentëve të lëvizshëm nga Afrika sub-Sahariane në vitin 2012. Gana dhe Uganda mirëpresin më shumë studentë nga rajoni se kurrë më parë.
Në disa vende ka më shumë studentë që studiojnë jashtë sesa brenda
Në rreth tetë vende me të dhëna, më shumë se gjysma e studentëve shkojnë jashtë vendit për të studiuar. Në Luksemburg, për shembull, ku 42% e popullsisë së moshës së arsimit të lartë është regjistruar në arsimin e lartë në vitin 2012, rreth një e treta ka studiuar jashtë vendit.
Termi “studentë ndërkombëtarë të lëvizshëm” i referohet studentëve që kanë kaluar kufirin kombëtar për të studiuar, ose janë të regjistruar në një program të mësimit në distancë jashtë vendit. Këta studentë nuk janë banorë ose qytetarë të vendit ku ata studiojnë. Studentët ndërkombëtarë të lëvizshëm janë një nën-grup i “studentëve të huaj”, një kategori që përfshin ata që kanë qëndrim të përhershëm në vendin pritës. Për këtë arsye, numri i studentëve të huaj, në nivel global, ka tendencë të jetë më i lartë. Të dhënat e prezantuara këtu janë tërhequr nga UIS, si dhe mbledhjet e të dhënave të OECD-së dhe Eurostat për studentët e lëvizshëm. Këto të dhëna mbulojnë vetëm studentët që ndjekin një shkallë më të lartë të arsimit jashtë vendit të tyre të banimit ( të ashtuquajtur “mobiliteti i diplomave”) dhe përjashtojnë studentët të cilët janë në afat të shkurtër studimi dhe këmbimi programesh që zgjasin më pak se një vit të plotë shkollor ( të ashtu-quajtur “mobiliteti i krediteve”). /Mapo/