13 Qershori i 99-ës, ishte dita kur i erdhi fundi okupimit serb në komunën e Suharekës.
Si në çdo komunë tjetër të Kosovës edhe këtu është bërë tradicionale festimi i kësaj dite, me manifestime të ndryshme, njofton Klan Kosova.
Mirëpo, 17 vjet pas, ky organizim po rrezikohet. Organi shqyrtues i prokurimit ka vendosur që tenderi për organizimin e Ditës së Çlirimit të kësaj komune të pezullohet.
Kjo pas ankesës së kompanisë “Gorenje Universal”, e cila po pretendon se iu bë e pa drejt gjatë zhvillimit të tenderit, edhe pse i mungonin disa dokumente.