Policia e Kosovës (PK) njofton se gjatë kontrollit në shtëpinë e një të dyshuari në Lubizhdë të Prizrenit, kanë gjetur dhe sekuestruar një pushkë gjysmë automatike, një pistoletë dhe 22 fishekë.
Në njoftimin e Policisë, thuhet se rasti ka ndodhur të martën, gjatë këqyrjes së vendit të ngjarjes për një rast të “Vjedhjes së rëndë”, raporton “Betimi për Drejtësi”.
“Me datën 30.05.2023, policët hetues nga Sektori i Hetimeve të Stacionit Policor Prizren, gjatë ndërmarrjes se veprimeve të nevojshme hetimore (këqyrja e vendit të ngjarjes ) në një rast “ Vjedhje e Rende “ në fshatin Lubizhdë, Prizren, në shtëpinë e tij, një të dyshuarit i janë gjetur në posedim dy arme zjarri pa leje adekuate nga organet kompetente”, thuhet në njoftim.
Sipas Policisë, armët janë gjatë nën kulmin e shtëpisë së të dyshuarit dhe më pas janë sekuestruar në cilësinë e dëshmisë materiale.
“Në këtë janë sekuestruar 1 (një) pushkë gjysmë automatike dhe një një pistolete ngjyre e zeze dhe njëzet e dy fishekë të kalibrave të ndryshme. I dyshuari shoqërua në polici për intervistim lidhur me rastin. Për të gjitha veprimet policore është njoftuar Prokurori i Shtetit, me vendim të cilit rasti procedohet i rregullt”, thuhet në njoftim.
Bëhet e ditur se rasti do të trajtohet nga hetuesit e Stacionit Policor Prizren-Veri. /BetimipërDrejtësi