Kryetari i Kuvendit të Shqipërisë, Ilir Meta, ndërpreu për pesë minuta punimet e seancë plenare, pas fjalës së kryetarit të Grupit parlamentar të PD-së, Edi Paloka.
Paloka kërkoi largimin e kryetarit të Kuvendit nga detyra pas akuzave të deputetit Tom Doshi se z. Meta ka porositur një atentat kundër tij.
Meta u detyrua ta ndëpresë më pas seancën, pasi deputetët e djathtë u ngritën në këmbë dhe u afruan tek foltorja e parlamentit, duke shkaktuar tension në sallë.
Kreu i Kuvendit ftoi deputetët e djathtë të qetësohen, ndërsa u shpreh i gatshëm për shqyrtimin e kërkesës së tyre që në seancën e sotme.