Sonte në Teatrin Oda mbahet festivali i përvitshëm i muzikës rok dhe alternative në Prishtinë, “Rock për Rock”.
Para adhuruesve të rokut do të përformojnë grupet KRIEG, Frisson, Under, Mona Kthiza, Kjon, Dim7, Fart&Scream, Centralized dhe mysafiri i këtij edicioni, grupi Indigos.
Një nga organizatorët, Agim Berisha, tha për KosovaLive se “Rock për Rock” vazhdon të synojë promovimin e rok kulturës.
“Synimi ka qenë dhe është që përmes koncertit ‘Rock për Rock’ të promovojmë rok kulturën duke iu dhënë një mundësi grupeve të demonstrojnë atë që kanë punuar gjatë vitit”, ka thënë ai.
Sonte “Rock për Rock” shënon edicionin e 14-të, duke qenë një ndër ngjarjet më të rëndësishme të kësaj natyre në kryeqytet.