(E plotesuar)Kryeministri tutje ka folur edhe për zgjedhjet e fundit të cilat i ka vlerësuar pozitive pasi që ato e kanë konfirmuar PDK-në si parti të parë në Kosovë.
Duke folur për çarjet në PDK dhe marrëdhëniet me Fatmir Limaj Thaçi ka thënë se ai takohet me Limajn.
“Fatmir Limajn e kam mik të vjetër”, ka thënë Thaçi.
Por, ai ka mohuar të jetë takuar me Limajn për të debatuar për problemet e brendshme në parti.
Ai ka thënë se do të PDK do të fitojë prapë zgjedhjet dhe se nga këto zgjedhje më 2014 ata pas zgjedhjeve do të zgjedhin për koalicionin e ardhshëm.
“Ne punojmë për një fitore të re për një fitore të PDK-së”.
Thaçi: Lëvizja e Ibrahim Rugovës provonte ta fitonte lirinë me konferenca për shqyp
Kryeministri Hashim Thaçi ka nisur një intervistë për emisionin Top Shoë ku është duke folur për fillet e tij në politikë, që nga koha kur ai ishte anëtarësuar në Lëvizjen Popullore të Kosovës.
Thaçi ka thënë se ishte student ku i kishte përjetuar vitet e pushtimit serb, dhe si prodekan i studentëve kishte filluar rezistencën kundër pushtetit serb që ai e quan të dyfishtë, rezistencë kundër komunizmit dhe kundër pushtimit serb.
“Ne nuk kemi dashur luftë në atë kohë, por njerëzit dëshironin të gjenin një mundësi më të lehtë për të ardhur të liria, kështu që zgjodhën rrugën paqësore. Lëvizja e Ibrahim Rugovës provonte ta fitonte lirinë me konferenca për shtyp”, ka thënë Thaçi.