Kryetari i PDK-së Hashim Thaçi, ka kërkuar të dielën në fshatin Gjonaj të Hasit dhe Zhur, që me 3 nëntor të votohet PDK-ja dhe kandidati për kryetar të Prizrenit, Ramadan Muja. Ai në dy tubimet zgjedhore tha se kandidati Ramadan Muja, për dy mandate, ka realizuar investime të mëdha në komunën e Prizrenit. “Kryetari Muja ka bërë punë të mëdha, prandaj me 3 nëntor ju ftoj, që masovikisht të dilin në zgjedhje dhe të votoni numrin 99, dhe Ramadan Mujën për kryetar të Prizrenit”.
Edhë nënkryetari i PDK-së, Kadri Veseli, ka kërkuar që me 3 nëntor të votohet PDK-ja dhe kandidati për Prizrenin, Ramadan Muja. Sipas tij, kandidati Muja në mandatin e tretë do të punojë edhe më shumë për Prizrenin.” Muja ka punuar shumë, dhe jam i sigurt se ai në mandatin e tretë do të punojë edhe më shumë “, tha Veseli.
Kandidati i PDK-së për Prizrenin, Ramadan Muja tha ndërkaq, se nuk ka çka të flasë, pasi që në çdo fshat të Komunës së Prizrenit, flet vetë puna e tij. ”Nuk kam çka të flas, pasi që puna që kemi bërë fletë vetë”, tha Muja. Ai kërkoi që me 3 nëntor masvikisht të dalin në zgjedhje dhe të votojnë PDK-në. /PrizrenPress.com/