11.8 C
Prizren
E premte, 1 Mars, 2024

Thaçi në ‘Euronews’: Kam qenë larg nga frontet e luftës

Thaçi ne EuronewsKryeministri i Kosovës, Hashim Thaçi e ka pranuar në EuroNews se roli i tij në luftën çlirimtare nuk ka qenë në vijën e parë të frontit.

“Unë kam qenë larg fronteve të luftës. Lufta ime ka qenë politike. Ne e kemi mundur Serbinë bashkë me bashkësinë ndërkombëtare dhe kjo ka qenë fitore e madhe”, ka thënë Thaçi kur është pyetur nëse ka vrarë vetë ose ka dhënë urdhër për të vrarë dikë, transmeton KTV.

Ai është pyetur edhe për akuzat e Dick Martyt për organet.

“Kurrë nuk kam dhënë urdhër që kanë shkelur ligjet ndërkombëtare. Ne kemi thyer ligjet e Miloseviqit, që kanë qenë diskriminuese. Sa u përket akuzave për organet, për herë të parë kam dëgjuar nga raporti i Dick Martyt. Kurrë nuk besoj se ndonjë ushtar i UÇK-së ka marrë organe të civilëve. Është një tregim fanatastiko-shkencor që nuk mund ta besoj. Askush nuk e beson”, ka thënë Thaçi.

Ai e ka vlerësuar si momentin më të vështirë nënshkrimin e marrëveshjes me Serbinë duke thënë se Kosova e Serbia nuk janë mësuar të jetojnë në paqe. Kryeministri i Kosovës është pyetur edhe për krimin e korrupsionin e lartë, por tha se vendi ka shënuar progres në luftimin e tyre.

Thaçi ka pohuar se partia e tij do të vazhdojë të udhëheqë me Kosovën edhe pas zgjedhjeve parlamentare të këtij viti.

Më Shumë

Shtohen rastet e plaçkitjeve në Rahovec, Latifi kërkon të rritet prezenca e ekipeve patrulluese policore

Rastet e fundit të plaçkitjeve, rrahjeve dhe gjuajtjeve me armë nga disa ekipe grabitësish në fshatrat e Rahovecit, kanë ngritur shqetësim te qytetarët në...

Policia jep detaje rreth rastit të kanosjes së dy pjesëtarëve të KFOR-it në Prizren

Policia ka dhënë detaje rreth rastit së kanosjes së dy pjesëtarëve të KFOR-it në fshatin Lubiqevë të Prizrenit. Në raport bëhet e ditur se pas...

Lajmet e Fundit